Öyrənməni əyləncəyə çevir ! – Kahoot

Kahoot sinifdə bilik yarışı təşkil etmək üçün istifadə edə biləcəyiniz maraqlı saytlardan biridir. Xüsusi ilə formativ qiymətləndirmə zamanı istifadə edə biləcəyiniz bu sayt uşaqlarda dərsə qarşı böyük maraq yaradır.  Müəllim əvvəlcə kahoot saytında oyunu hazırlayır və oyunu proyektor və ya elektron lövhə vasitəsi ilə nümayiş etdirir. Şagirdlər telefon və ya kompüter ilə lövhədəki kodu yazıb, oyuna qoşulur və bir – birlərinə qarşı yarışırlar. Suallar lövhədə, cavablar isə uşaqların qurğularında görünür. Ən tez və ən çox düzgün cavab verən şagird (komanda ) daha çox xal toplayır və qalib olur.

Oyun hazırlamaq üçün link (müəllimlər  üçün): https://kahoot.com

Oyun oynamaq üçün link: (uşaqlar  üçün ): https://kahoot.it

İstifadəsinin üstünlükləri:

  1. Şagirdlərin dərsə motivasiyasını artırır, dərsə qarşı maraq yaradır.
  2. Müxtəlif qurğular (kompüter, telefon, planşet) vasitəsi ilə qoşulmaq və oynamaq mümkündür.
  3. Sadə dizaynı var, istifadəsi rahat və asan öyrənilə biləndir.
  4. Müxtəlif növ suallardan istifadə etmək mümkündür.
  5. Suallarda şəkillərdən, videolardan istifadə etmək mümkündür.
  6. Oyun birdikdən sonra, proqram müəllimə detallı şəkildə nəticələri təqdim edir.

Resursdan istifadə haqqında video:

Advertisements

Bütün sinifin bir sənədin üzərində işləyə biləcəyi sayt -titanpad.com

Hörmətli müəllimlər.

Bugün ki video dərsimdə sizə titanpad.com saytı haqqında məlumat verəcəm. Sayt sizə sinifinizdəki bütün  şagirdlərlə eyni anda  bir sənədin üzərində işləməyə imkan verir. Hər bir şagirdin əlavə etdiyi mətn, etdiyi dəyişiklik fərqli fərqlə göstərildiyi üçün şagirdlərdən kimin hansı işi gördüyünü izləyə bilirsiniz. Bundan başqa chat hissəsində müzakirə apara, sonda hazırlanan mətni kompüterinizə yükləyə bilərsiniz. Sayt pulsuzdur və qeydiyyat tələb etmir. Saytdan refleksiya mərhələsində, tədqiqat zamanı istifadə etmək olar. Video dərsdə saytdan istifadə ilə bağlı bir neçə ideya verilib, siz öz ideyanınızı şərh bölməsində digər həmkarlarınızla paylaşa bilərsiniz

Saytdan istifadə haqqında video dərs:

Excel vasitəsi ilə “Reytinq cədvəli” hazırlamaq

Şagirdlərin diqqətini dərsə cəlb etmək, onalrın dərsdə daha fəal iştirakını təmin etmək üçün istifadə edə biləcəyiniz üsullardan biri də Reytinq cədvəlidir. Bu üsulla siz şagirdləri bir öyrənmə yarışına cəlb edəcəksiniz. Reytin cədvəlini siz müəyyən bölmə üçün, ay və dərs həftəsi üçün hazırlaya bilərsiniz. Reytinq cədvəlindən istifadə sizə aşağıdakı məsələlərdə kömək edəcəkdir :

  • Şagirdlərin dərsdə fəal iştirakını təmin etmiş olacaqsınız
  • Şagirdlər davranış qaydalarına daha yaxşı əməl edəcək
  • Dərsə daha hazırlıqlı gələcəklər
  • Dərsdə daha maraqla və həvəslə iştirak edəcəklər

Aşağıdakı video dərsdə Excel proqramı vasitəsi ilə reytinq cədvəli hazırlamaq haqqında məlumat əldə edə bilərsiniz:

 

Blendspace ilə dərs hazırlamaq

Blendspace saytı “Flipped classrom ” modelində istifadə edilən blendspacesaytlardan biridir.
Siz saytda qeydiyyatdan keçib öz sinifinizi və sinifiniz üçün dərslər yarada bilərsiniz.  Sayt hazırladığınız dərslərə mətn, test, şəkil, video, web sayt və digər resursları əlavə etmək imkanına malikdir. həmçinin siz şagirdlərinizin uğurunu və inkişafının da izləyə bilərsiniz.


Saytdan istifadə etmək üçün video dərs : https://youtu.be/8zWKtNhMTsA

Sayta daxil olmaq üçün link : https://www.blendspace.com

 

 

Online çarx

“Çarx oyunu” adlı oyundan dərslərinizdə istifadə etmək üçün linkə daxil olun.decideEkranın aşağı hissəsində Make / Modify Wheel düyməsini sıxın. Parol təyin edin. Seçimləriniz daxil edin Advanced options bölməsindən əlavə dəyişikliklər edə bilərsiniz və Apply wheel changes düyməsinə sıxın. Çarxı yaddaşda saxlamaq üçün qeydiyyat tələb olunur.

Sayta daxil olmaq üçün link:http://wheeldecide.com/

Saytdan istifadə ilə bağlı video resurs:


https://youtu.be/ybNE1KtKxBA