ClassDojo alətinin sinifdə istifadəsi

ClassDojo sinif idarə etmə alətlərindən biridir. Əsasən sinifdə şagirdləri düzgün davranışa    istiqamətləndimək üçün istifadə olunsa da, müəllimlər üçün faydalı bir çox funksiyası da vardır. Gəlin bunlara qısa şəkildə nəzər salaq:

Toolkit- Dərsdə istifadə edə biləcəyiniz alətlər qutusudur. Daxilindəki. alətlərdən bəziləri:

  • Timer– İrəliyə və geriyə doğru sayım saatları
  • Random– Təsadufi şagird seçmək üçün istifadə olunur
  • Group Maker– Şagirdləri qısa zamanda, verilmiş sayda qrupa bölür
  • Noise Meter- Sinifdəki səs- küyün səviyyəsini göstərən interaktiv şkala

Classroom-  Bu bölmədə şagirdlərə xal vermək və yaxud xal çıxmaqla yarış təşkil olunur və düzgün davranışa motivasiya olunur. Meyarlar və onlara veriləcək xallar sizin tərəfinizdən seçilir. Valideynləri əlavə etməklə onlar verilən və yaxud çıxılan istənilən xaldan xəbərdar olmalarını, hesabatlar almalarını təmin etmək mümkündür. Proqramn oyunlaşdırma hissəsidir.

Stories- Bütün sinif jurnalında və yaxud individual formada mətn, şəkil, fayl paylaşmaq mümkündür. Bu proqramın rəqəmsal portfolyo kimi istifadə olunan hissəsidir.

Messages– valideynlərə toplu və yaxud individual məktublar göndərmək mümkündür.

Resursdan istifadə ilə bağlı video təlimat:

Advertisements

Müəllimlər üçün Beynəlxalq İSTE standartları

İSTE (Beynəlxalq Təhsil Texnologiyaları Cəmiyyəti) təhsildə texnologiyadan istifadə ilə bağlı müxtəlif tədqiqatları həyata keçirən beynəlxalq təşkilatdır. İSTE—nin müəllimlər, şagirdlər və digər təhsil işçiləri üçün nəzərdə tutulmuş müxtəlif standartları var. Effektiv müəllim modeli və İSTE- nin şagirdlər üçün nəzərdə tutulmuş standartlarını tətbiq etməklə tədrisi inkişaf etdirmək, zəngin öyrənmə təcrübəsi yaratmaq və şagirdlər, müəllimlər, təhsil işçiləri üçün müsbət model yaratmaq mümkündür.  Bütün müəllimlərin bu standartlar və performans göstəriciləri ilə tanış olması və tətbiq etməsi tövsiyyə edilir:İSTESEKİL.jpg

  1. Şagirdlərin öyrənmələrini asanlaşdırmaq və yaradıcılığa təşviq etmək

 Müəllim fənnə aid biliklərindən, öyrənmə və öyrətmə imkanlarından, texnologiyadan  istifadə edərək, üzbəüz və yaxud distant şəkildə şagirdlərin öyrənmələrini asanlaşdıracaq, yaradıcılıq, yenilikçilik bacarıqlarını inkişaf etdirən fəaliyyətlər təşkil edir.

  1. Texnologiya əsrinin tələblərinə uyğun öyrənmə fəaliyyətləri və qiymətləndirmə hazırlamaq və inkişaf etdirmək.

 Müəllim effektiv öyrənmənin baş verməsi üçün müasir dövrün yeni texnologiyalarından, rəqəmsal resurslarından istifadə edərək müxtəlif öyrənmə fəaliyyətləri təşkil edir, onları inkişaf etdirir və nəticəsini qiymətləndirir. Öyrənənin tiplərinə görə rəqəmsal resurslardan və texnologiyadan istifadə edərək hazırladığı tapşırıqları fərdiləşdirir, şagirdlərin xüsusiyyətlərinə və bacarıqlarına uyğun resurslardan istifadə edir, texnologiyadan istifadə edərək müxtəlif formalarda  formativ və summativ qiymətləndirmə vasitələri hazırlayıb şagirdlərə təqdim edir.

  1. Rəqəmsal texnologiyalar dövründə iş və öyrənmə mövzusunda nümunə olmaq

 Yenilikçi bir peşə sahəsinin nümayəndəsi olan müəllim texnologiya əsrinin tələblərinə uyğun şəkildə işləyir, buna uyğun olan bilik və bacarıqlarını nümayiş etdirir. Şagirdlər, valideynlər və təhsil sahəsində çalışan digər şəxslərlə müasir texnologiyalardan istifadə etməklə ünsiyyət qurur və əməkdaşlıq edir.

  1. Rəqəmsal vətəndaşlığı təbliğ edir

 Sürətlə dəyişən və inkişaf edən bir rəqəmsal cəmiyyətdə yaşayan müəllimlər bu rəqəmsal cəmiyyətin yerli və qlobal problemlərini, qaydaları bilir və onlara əməl edir. Müəllif hüquqlarına, intelektual mülkiyyətə  hörmətlə yanaşır.

  1. Peşəkar inkişaf və liderlik

 Müəllim daima peşəkar inkişafına diqqətlə yanaşmalı, özünü peşəkar olaraq inkişaf etdirməli və həyat boyu fasiləsiz öyrənmə mövzusunda nümunə olmalıdır. Bu məqsədlə müəllim beynəlxalq və yerli tədbirlərdə iştirak etməli, şagirdlərin öyrənmə imkanlarını inkişaf etdirmək üçün yeni proqramlar, onlayn resurslar tapmalıdır.

Digər standartları və müəllimlər üçün olan standartların İngilis dilində olan versiyasını oxumaq üçün link:

https://drive.google.com/drive/folders/0B7uyMv1mHyxBbEduTXlYMHhubzA?usp=sharing

 

Artırılmış reallıq nədir?

Artırılmış reallıq (Augumented reality) texnologiyanın müasir sahələrindən biridir. Şübhəsiz ki, günümüzdə müxtəlif sahələrdə istifadə bu texnologiya təhsil sahəsində də tətbiq edilməyə başlanılıb. Uşaqlar tərəfindən maraqla qarşılanan bu texnologiyadan istifadə  hər gün daha da artr. Artıq internetdə artırılmış reallıqla bağlı müxtəlif fənnlərə aid çoxlu sayda proqram, dərs nümunələri, fəaliyyətlər tapa bilərsiniz. Artırılmış reallıq  virtual dünya ilə real aləmi özündə birləşdirən yeni bir texnologiyadır. Artırılmış reallığın müsbət tərəfləri: 

  • Uşaqlar üçün maraqlı və əyləncəlidir
  • Güclü motivasiya vasitələridir
  • Uşaqlar üçün müxtəlif tapşırıqları yerinə yetirərək öyrənmək imkanı vardır
  • Artırılmış  reallıqla verilən məlumat uşaqların daha uzun müddət yaddaşında qalır

Mənfi tərəfləri: 

  • Fəaliyyət ciddi planlaşdırılmasa, sadəcə oyun olaraq qala bilər.
  • Əlavə texnologiyadan istifadə tələb olunur
  • Bəzən əlavə vaxt itkisinə səbəb olur.
  • Ödənişli olan nümunələrin sayı çoxdur.

 

Günümüzdə müxtəlif  fənnlərin tədrisində geniş istifadə olunan bu texnologiya haqqında   bir nümunəni sizinlə paylaşmaq istəyirəm. Videoda istifadə edilmiş proqramın adı Quliverdir. Həm Android qurğularda həmdə İOS qurğularda istifadə etmək mümkündür.

 

 

Voki ilə öz qəhrəmanını canlandır

Hörmətli müəllimlər,

Voki müxtəlif qəhrəmanları canlandırmaq, səsləndirmək üçün istifadə olunan internet servisidir. Servis imkan verir ki saytdakı qəhrəmanları  mikrafonla səsini yazmaqla, və yaxud kompüterdə olan səsi əlavə etməklə canlandırasan. Bundan başqa saytın:

  • Hazır qəhrənamları redaktə etmək,
  • Mikrafondan, kompüterdən səs daxil etmək
  • Klaviaturadan daxil edilmiş mətni səsləndirmək
  • Arxa fonu dəyişmək
  • Hazırlanan işi müxtəlif sosial şəbəkələrdə paylaşmaq və linki olan şəxslərin qeydiyatdan keçmədən işi izləmək kimi imkanları var.

Servisdən müəllimlər və şagirdlər müxtəlif məqsədlərlə istifadə edə bilər. Sayt şagirdlərə geniş yaradıcılıq imkanları, eyni zamanda müəyyən məsələyə özləri üçün maraqlı olar formada münasibət bildirmək imkanı yaradır.

Məsələn: Ev heyvanları haqqında dərs zamanı, şagirdlərin hər biri sayta daxil olur, özünün seçdiyi ev heyvanının canlandırır və onun insanlar üçün əhəmiyyətini izah edir.  Bu sadə tapşırıq zamanı şagirdlərin özlərini ifadə etmək, yaradıclıq bacarıqları inkişaf edir. 

Əgər sizində resursdan istifadə haqqında maraqlı ideyanız varsa, bloqda şərh hissəsində yazmaqla digər həmkarlarınızla bölüşə bilərsiniz.

Bütün sinifin bir sənədin üzərində işləyə biləcəyi sayt -titanpad.com

Hörmətli müəllimlər.

Bugün ki video dərsimdə sizə titanpad.com saytı haqqında məlumat verəcəm. Sayt sizə sinifinizdəki bütün  şagirdlərlə eyni anda  bir sənədin üzərində işləməyə imkan verir. Hər bir şagirdin əlavə etdiyi mətn, etdiyi dəyişiklik fərqli fərqlə göstərildiyi üçün şagirdlərdən kimin hansı işi gördüyünü izləyə bilirsiniz. Bundan başqa chat hissəsində müzakirə apara, sonda hazırlanan mətni kompüterinizə yükləyə bilərsiniz. Sayt pulsuzdur və qeydiyyat tələb etmir. Saytdan refleksiya mərhələsində, tədqiqat zamanı istifadə etmək olar. Video dərsdə saytdan istifadə ilə bağlı bir neçə ideya verilib, siz öz ideyanınızı şərh bölməsində digər həmkarlarınızla paylaşa bilərsiniz

Saytdan istifadə haqqında video dərs:

Onlayn müzakirə və səsvermə aləti

Hörmətıi müəllimlər.Screen Shot 2016-04-18 at 3.05.32 PM.png

Aşağıda verilmiş videoda onlayn müzakirə və səsvermə aləti haqqında məlumat əldə edə bilərsiniz. Saytdan dərs zamanı və dərsdən kənar vaxt ərzində şagirdlərinizlə müəyyən məsələləri müzakirə etmək, ideyaları paylaşmaq üçün istifadə edə bilərsiniz. Sayt eyni zamanda sizə paylaşılan ideyaların sesverməsini həyata keçirməyə imkan verir. Sayt asan istifadəçi interfeysinə malikdir.

Sayta daxil olmaq üçün link: www.stickymoose.com

Saytdan istifadə haqqında video dərs:

Excel vasitəsi ilə “Reytinq cədvəli” hazırlamaq

Şagirdlərin diqqətini dərsə cəlb etmək, onalrın dərsdə daha fəal iştirakını təmin etmək üçün istifadə edə biləcəyiniz üsullardan biri də Reytinq cədvəlidir. Bu üsulla siz şagirdləri bir öyrənmə yarışına cəlb edəcəksiniz. Reytin cədvəlini siz müəyyən bölmə üçün, ay və dərs həftəsi üçün hazırlaya bilərsiniz. Reytinq cədvəlindən istifadə sizə aşağıdakı məsələlərdə kömək edəcəkdir :

  • Şagirdlərin dərsdə fəal iştirakını təmin etmiş olacaqsınız
  • Şagirdlər davranış qaydalarına daha yaxşı əməl edəcək
  • Dərsə daha hazırlıqlı gələcəklər
  • Dərsdə daha maraqla və həvəslə iştirak edəcəklər

Aşağıdakı video dərsdə Excel proqramı vasitəsi ilə reytinq cədvəli hazırlamaq haqqında məlumat əldə edə bilərsiniz:

 

Elektron lövhələr yoxsa planşetlər hansı gələcəkdə tədrisdə daha böyük rol oynayacaq?

Elektron  lövhələrdən sinif otaqlarında istifadə olunması tədris prosesində çox böyük yenilik olmuşdur. Lakin texnologiyanın inkişafı nətixəsində, onların gələcəkdəki rolu böyük sual altındadır. Artıq bir çox ölkədə elektron lövhələrlə yanaşı planşetlərdən istifadə olunmağa başlanılıb. Bəs elektron lövhə yoxsa planşetlər hansı gələcəkdə tədrisdə daha böyük rol oynayacaq?. Düşnürəm ki,  gələcəkdə planşetlərdən daha çox istifadə olunacaq.  Bunu isə aşağıdakı səbələrlə əlaqələndirmək olar:

Planşet və ağıllı lövhə

  1. Elektron lövhələrlə müqayisədə planşetlərin qiymətləri daha aşağıdır. Müqayisə etsək: 10 sinifi elektron lövhə ilə təmin etmək üçün lazım olan məbləğdən daha aşağı xərclə həmin sinifləri planşetlərlə təmin etmək olar.
  2. Elektron lövhədən istifadə zamanı tapşırığı yerinə yetirən zaman lövhədən bir və yaxud iki şagird istifadə edə bilir. Bu isə sinfin digər şagirdlərinin fəaliyyətsiz qalmasına səbəb olur. Planşetlərdən isə qrup işləri, cütlərlə iş, bütün siniflə iş zamanı istifadə etmək mümkündür.
  3. Planşetlərdən istifadə edən zaman hər bir şagirdə fərqli tapşırıq vermək- şagirdə fərdi yanaşmaq mümkün olur.
  4. Elektron lövhələrdə şagirdlər adətən müəllimin əvvəlcədən hazırladığı tapşırıqları yerinə yetirilər və şagrdin yaradıcılığını məhdud çərçivədə göstərə bilir. Planşetlərdə isə müxtəlif tətbiqetmələr var ki, şagird onlardan istifadə etməklə öz yaradıcılığını müxtəlif formalarda əks elətdirə bilir. Planşetlərdən istifadə edib şagirdlər :kitab, poster, video hazırlayır, onunla interetdə müxtəlif resurslardan istifadə edirlər. Eyni zamanda elektron lövhələr üçün hazırlanmış bəzi dərsləri planşetlərdə də açıb istifadə etmək mümkündür. Bunula siz şagirdə” öz lövhəsində işləmək imkanı “ verirsiniz.
  5. Elektron lövhə daşına bilən deyil. Bunun əksinə planşetlərdən rahatlıqla sinifin müxtəlif hissələrində istifadə etmək olar.

Texnologiya ilə bir çox müəllimin edə biləcəyi bəzi yeniliklər

Hörmətli müəllimlər.

Dərslərində texnologiyanı tətbiq etmək istəyən hər bir müəllimin aşağıdakılarıdownload  yoxlamasını məsləhət görərdim.

  1. Sinif bloqunuzu yaradın. Sinif bloqunu yaratmaq üçün Blogspot, WordPress, Wix, Weebly kimi hazır sistemlərdən istifadə edə bilərsiniz. Bloqda keçilən mövzular haqqında məlumatlar, videolar, tapşırıqlar, faydalı saytlar, öyrədici oyunlar, dərsdəki fəaliyyətlərdən şəkillər paylaşa bilərsiniz. Bloq həmçinin şagirdlərinizlə, valideynlərlə əlaqə saxlamaq üçün, şagirdlərlə dərsdən sonra, tətil müddətində müzakirələr aparmaq üçün gözəl vasitədir.
  2. Sinifinizin video kanalını yaradın və şagirdlərin fəaliyyətindən videoları, onların hazırladığı işlər haqqında videolar hazırlayıb bu kanala əlavə edin. Şagirdlərin hazrladığı işləri nümayiş etdirmək, onlar üçün əlavə motivasiya olacaq. Kanalı yaradarkən təhlükəsizlik məsələlərini də nəzərə almağı unutmayın
  3. Dərslərinizdə kompüterlərdən istifadə edin. Əgər sinif otağınızda kifayət qədər kompüter yoxdursa, kompüter labaratoriyasından istifadə edə bilərsiniz. Bu zaman məktəbin informatika müəlliminin köməyindən də istifadə edə bilərsiniz.
  4. Skype vasitəsi ilə sinifinizə, tədris  mövzusuna uyğun  mütəxəssis dəvət edin. Digər məktəblərlə video konfranslar təşkil edin, müəyyən mövü ətrafında müzakirələr aparın. Bu şagirdlərinizdə əməkdaşlıq, başqasının fikrinə hörmətlə yanaşma kimi bacarıqların inkişaf etməsinə imkan verəcək.
  5. Dərslərinizdə öyrədici saytlardan, öyrədici oyunlardan istifadə edin. Bu dərsinizə qarşı şagirdlərdə böyük marağın yaranmasına, eyni zamanda şagirdlərinizdə texnologiyadan, internetdən düzgün istifadə bacarığının formalaşmasına mühüm təsir edəcək.
  6. Sinif daxilində email sisteminizi yaradın. Mənim sizə məsləhətim gmail xidmətindən istifadə etməyinizdir. Çünki Gmail hesabı yaratmaqla siz, Google şirkətinin təqdim etdiyi digər xidmətlərdən də istifadə etmək imkanı əldə edəcəksiniz. Sini daxilində email sisteminizin olması, sinif daxilində informasiya mübadiləsini asanlaşdırcaq, siz rahatlıqla şagirdlərinizlə müxtəlif məlumatları bölüşə bilcəksiniz.
  7. “Bulud yaddaşından” istifadə edin. Google Drive, Dropbox və bir çox bulud texnologiyası təqdim edən xidmətlər var ki, sizə öz sənədlərinizi, şəkillərinizi, videolarınızı internetdə təhlükəsiz saxlamağa imkan verir. Dərs planlarınızı, tapşırıq vərəqlərinizi belə buludlarda saxlamaq, sizi fayllarınızı itirmək təhlükəsindən azad edir, lazım olan anda lazımı faylı kompüterinizə yükləyib yenidən istifadə edə bilirisiniz. Həmçinin belə texnologiyalar sizə imkan verir ki, sənədlərinizi digər həmkarlarınızla asanlıqla bölüşəsiniz, onlarla əməkdaşlıq edib yeni sənədlər hazırlayasınız.

 

SAMR modeli nədir?

Hörmətli müəllimlər.

Texnologiyanı tədris prosesinə inteqrasiya etmək üçün müxtəlif modellərdən istifadə edilir. Bi modellrdən biri də SAMR modelidir. Bu videoda SAMR modelini elektron lövhədən və Google docs-dan nümunələr göstərməklə izah etmişəm. Ümid edirəm ki, hər biriniz üçün faydalı olar

 

 

Məktəbdə texnologiyadan istifadə səviyyəsini müəyyən etmək üçün 7 sual

Əgər bir məktəbdə hansı səviyyədə texnologiyadan istifadə olunduğunu bilmək istəyirsinizsə müəyyən suallar var ki onlara cavab tapmalısınız. Bu sualları qısa olaraq sadalayaq.  SEKIL

  1. Məktəb lazım olan qurğularla, kompüterlərlə, elektron lövhələrlə, proyektorlarla və sürətli internetlə təmin olunubmu?
  1. Məktəbdə müəllimlərin fəaliyyətini dəstəkləyən, onlarla əməkdaşlıq edən, texnologiya ilə bağlı qarşılarına çıxan  problemləri həll etməyə kömək edən, onlarla dərs planlaşdıran, dərslərdə iştirak edən, texnologiyadan istifadə ilə bağlı yeni üsullarla tanış edən şəxs və yaxud şəxslər varmı?
  1. Müəllimlərinizin və şagirdlərinizin müntəzəm olaraq istifadə etdikləri online resurslar və saytlar varmı?
  1. Məktəbinizə dərs prosesində  kompüterlərdən istifadə olunurmu?
  1. Məktəbinizdə dərs prosesində planşetlərdən istifadə olunurmu?
  1. Məktəbin müəllimləri dərs hazırlayarkən web 2.0 alətlərindən, internet saytlarından nə dərəcədə istifadə edir?
  1. Məktəbdə elektron lövhələrdən düzgün istifadə olunurmu?

 

Unutmayaq ki, Biz bugün texnologiyadan dərslərdə istifadədən çox texnologiyadan düzgün istifadəyə önəm verməliyik. Dərsinizdə hər hansısa bir texnologiyadan və yaxud yeni üsuldan istifadə etməzdən əvvəl özünüzə sual verin : “Bu üsuldan və yaxud texnolgiyadan istifadə mənim dərsimin keyfiyyətini necə artıracaq?, şagirdlərimin dərsi mənimsəməsinə necə kömək edəcək?” İstənilən halda, dərslərdə texnologiyadan istifadə ilk növbədə dərsin keyfiyətinin artmasına , şagirdlərin bilik və bacarıqlarının inkişafına xidmət etməlidir.

Ölkəmizdə bu sahədə çox ciddi işlər görülür, müxtəlif layihələr həyata keçrilir və artıq nəticələr əldə olunmağa başlanılıb. Hər biriniz bu prosesə dəstək olmağa çağırır, dərslərinizdə uğurlar arzulayıram.