Təhsil və onunla bağlı mövzular vətəndaşlarımızı nə qədər maraqlandırır? Bu suala cavab tapmaq üçün Google Trends vasitəsi ilə kiçik bir araşdırma apardım. Google Trends ilə son 12 ayda ölkəmizdən və bir neçə başqa ölkədə Google ilə müəyyən açar sözlərlə aparılan axtarışlara baxdım. Aşağıda göstərilən statistikada 100 rəqəmi yüksək populyarlığı, 50 -isə orta populyarlıq üçün verilən qiymət hesab olunur:
1. Google vasitəsi ilə ölkəmizdə “Texnologiya” və “Messi” açar sözləri ilə axtarışların nisbəti: 16- 37
2. Google vasitəsi ilə Türkiyə ərazisində “Teknoloji” və “Messi” açar sözləri ilə axtarışların nisbəti: 61- 17
3.Google vasitəsi ilə ABŞ ərazisində “Technology” və “Messi” açar sözləri ilə axtarışların nisbəti: 89- 13
4. Google vasitəsi ilə ölkəmizdə “Kurikulum” və “Serial” açar sözləri ilə axtarışların nisbəti: 28- 63
Düşünürəm ki, qrafiklər Google üzərində insanların daha çox hansı mövzulara maraq göstərdiklərini aydın göstərir. Təəssüf olsun ki, insanlar seriala, Messiyə və s. göstərdikləri marağı təhsilə, texnologiyaya göstərmirlər.
Əgər özünüz müqayisələr aparmaq istəyirsinizsə, aşağıdakı addımları izləyin:
- Verilmiş linkə daxil olun : https://trends.google.com/trends/?geo=AZ
- Nəticələrinə baxmaq istədiyiniz açar sözü daxil edib, ENTER düyməsinə klikləyin
- Digər bir açar sözlə müqayisə etmək istəyirsinizsə, İkinci açar sözü “+Compare” hissəsinə daxil edin.
- Nəticələrə fərqli ölkələr və müddət üçün baxmaq mümkündür.
Xüsusi ilə internetin şagirdlərimizin, övladlarımızın da həyatlarının bir hissəsinə çevrildiyini unutmamaq lazımdır. İnternetdən istifadə edərkən, onlar tez-tez öz yaşlarına uyğun olmayan məlumatlarla rastlaşırlar. Belə olan halda onların internetdə təhlükəsizliyini təmin etmək biz müəllimlərin və valideynlərin üzərinə düşür. Bugünki yazımızda sizə şagirdlərin təhlükəsiz axtarış apara biləcəkləri bir neçə axtarış sistemini təqdim edirik. Bu axtarış sistemlərindən istifadə pulsuzdur, adətən 6- 12 yaş arası şagirdlər arası nəzərdə tutulur.
Təhsildə texnologiyadan istifadə 