Bir neçə addımda komiks, karikatura hazırlama

Şagirdlərinizə yerinə yetirə biləcəyiniz tapşırıq növlərindən biri də komiks, karikatura hazırlamaqdır. Əksər hallarda müəllimlər komiks və yaxud karikatura hazırlamaq kimi proqramların çətin olduğuna görə, dərslərində belə proqramlardan istifadə etmirlər. Bu  video dərsimizdə sizləri istifadəsi olduqca asan Toonytool.com aləti ilə tanış etmək istəyirəm. Saytdan istifadə etməklə komiks, poster, karikatura hazırlamaq olar.

image (3)

Saytdan müxtəlif məqsədlərlə və müxtəlif formalarda  istifadə etmək mümkündür. Məsələn:

  1. Müəllim şagirdlər üçün qısa zamanda öyrədici material, poster hazırlaya bilər.
  2. Şagirdlər saytdan istifadə edib dərs zamanı hansısa mövzuda poster, komiks, karikatura hazırlaya, dialoq qura bilərlər.
  3. Müəllim dərsdən sonra şagirdlərə, dərs zamanı öyrəndikləri bir faktı poster şəklində hazırlamağı tapşıra bilər.

Dərslərdə bu kimi tapşırıqlardan və saytlardan istifadə şagirdlər üçün dərsi daha maraqlı, cəlbedici edir. Eyni zamanda şagirdlərin yaradıcılıq, İKT bacarıqlarının inkişafına müsbət təsir göstərir. Hazırladığınız posterləri, dərsdə  saytdan istifadə ilə bağlı ideyalarınızı şərh hissəsində bizimlə paylaşmağı unutmayın.

 

 

Advertisements

İnteraktiv tapşırıqlar hazırlamaq üçün sayt

Hörmətli müəllimlər,

Şagirdlər tapşırıqlar hazırlamaq üçün istifadə olunan müxtəlif saytlar var. Bu gün sizləri belə saytlardan biri olan wizer.me saytı ilə tanış etmək istəyirəm . Saytı eyni tipli digər saytlardan fərqləndirən xüsusiyyətlər:

  • Açıq sual, test, boşluqu doldur, şəkil və video üzrə iş, düzgün sırala və s. tapşırıq növlərindən istifadə etmək mümkündür.
  • Tapşırıqların dizaynı üçün daha çox imkan var
  • Hər bir suala ayrıca bal təyin etmək, şagirdin düzgün cavabları görməsi imkanı
  • Müəllim şagirdin nəticəsinə və verdiyi  cavablara fikir bildirə bilməsi imkan

Sayt haqqında daha ətraflı məlumatı  aşağıdakı video dərsdən əldə edə bilərsiniz :

Şagirdlərdən yeni dövrdə tələb olunan XXI əsr bacarıqları

Hər bir dövr öz tələbləri ilə bərabər gəlir. Müasir dövrün də şagirdlərdən öz gözləntiləri var. Şagirdlərdən gözlənilən 21 əsr bacarıqları aşağıdakı posterdə verilmişdir. Bəs biz bir müəllim kimi onların bu bacarıqlara yiyələnməsinə nə dərcədə yardımçı oluruq?

21-esr

Onlayn interaktiv lövhə

Hörmətli müəllimlər,

İnternetdə bir çox onlayn lövhələr var ki, bütün sinifinizlə bu lövhələrdə məlumat mübadiləsi apara bilər, ideya xəritəsi yarada bilər, müzakirələr təşkil edə bilərsiniz. Bu video dərsimdə sizi bel onlayn lövhəələrdən biri ilə tanış edəcəm. Resursun üstünlükləri asan istifadəçi interfeysinin olması, lövhə ilə yanaşı müzakirə üçün chat imkanının olması, eyni zamanda bir snədin üzərində bütün sinifin işləmək imkanının olmasıdır.

Saytda daxil olmaq üçün link:https://awwapp.com/

BYOD nədir?

byod.png

BYOD   – Bring Your Own Device- “Öz Avadanlığını Gətir” təhsildə həyata keçrilən yeni layihələrdən biridir. Layihə  şagirdlərə öz texnoloji qurğularını- telefonlarının, planşetlərini, notebookularını  məktəbdə  gətirib dərslərdə istifadə etməyə icazə verir. Bugün ki yazıda hələ də bir çox məktəbin tətbiqi etməyə tərəddüd etdiyi bu layihə haqqında danışacam. Bu layihənin faydaları nədir?

  1. Texnologiyanın çox böyük sürətlə yenilənməsi nəticəsində məktəblərdəki texnologiya yenilənmək məcburiyyəində qalır. Bu isə çox böyük maliyyə yüküdür. Bu layihə məktəbləri çox böyük maliyyə xərcinən xilas edir.
  2. Şagirdlər məktəb qurğularınan istifadə edərkən, bəzən yerinə yetirdikləri iş yarımcıq qalır və evdən tapşırıqlarını tamamlaya bilimirlər. Lakin öz qurğularını gətirdikdə istənilən yerdən istənilən zaman öz tapşırıqlarına, dərslərinə davam edə bilirlər. Beləliklə layihə “İstənilən zaman istənilən yerdən öyrən” prinsipini dəstəkləyir.
  3. Şagirdlər dərs zamanı, dərsdən sonra elektron resurslara daxil olmaq imkanı qazanırlar
  4. Şagirdlər arasında əməkdaşlıq imkanlarını artırır.
  5. Hər bir şagirdə fərdi yanaşmaq imkanını artırır. Müəllimə şagirdin ehtiyacı olan matrealı asanlıqla şagirdlərlə paylaşa bilir.

Bəs layihəni tətbiq edən zaman nələrə diqqət etmək lazımdır?

  • Məktəb lazımı internet sürəti ilə təmin olunmalıdır, eyni zamanda internet təhlükəsizliyi ilə bağlı məsələlər həll edilməlidir.
  • Yaxşı olar ki, ilkin addımda bir və yaxud bir neçə pilot siniflə layihəyə başlanılsın.
  • Layihəyə başlayacaq məktəbdə “Texnologiyadan düzgün istifadə” haqqında siyasət hazırlanıb şagird və müəllim heyəti ilə bölüşdürülməlidir.
  • Bu layihə ilə işləyəcək müəllimlər layihə, onun məqsədləri barəsində təlimatlandırılmalıdır.
  • Məktəbdə istifadə LMS sistemi qurulmalıdır.
  • Valideynlər bu prosesin bir hissəsi olmalıdır.
  • Öz qurğusunu olmayan şagirdlər nəzərə alınmalıdır.

Tədrisdə istifadə olunan yeni üsullardan biri -STEM nədir?

Screen Shot 2016-07-05 at 12.32.36 AM.pngSTEM  termini  Science (Təbiət elmləri), Technology (Texnologiya), Engineering (Mühəndislik) ve Mathematics (Riyaziyyat) sözlərinin ilk hərflərindən götürülmüşdür. Təhsildə istifadə olunan yeni  yanaşmalardan  biridir. Bu tədris metodunda riyaziyyat, texnologiya, mühəndislik, təbiət fənnlərinin tədrisinin ayrı ayrılıqda yox birlikdə əlaqaləli şəkildə həyata keçrilməsi tövsiyyə edilir. Bu tədris metodu müxtəlif ölkələrdə 1950- ci ildən bəri tətbiq edilir. Hal – hazırda ən çox tətbiq olunduğu ölkələr ABŞ, İngiltərə, Almaniyadır. Bu metodun əsas məqsədi şagirdlərdə “XXI əsr bacarıqlarını” formalaşdırmaq və inkişaf etdirməkdir. Bu tədris üsulunda şagirdlər riyaziyyat və təbiət fənnlərində öyrəndikləri müxtəlif məlumatları gündəlik həyatlarında qarşılarına çıxan müxtəlif problemlərə, müxtəlif layihələrdə tətbiq etməklə öz yaradıcılıqlarını, komanda şəkilində işləmək bacarıqlarını, məntiqi  təfəkkürlərini, problem həll etmə bacarıqlarını inkişaf etdirirlər. Eyni zamanda öyrəndiklərini tətbiq etdikləri üçün öyrəndikləri məlumatları daha yaxşı mənimsəyir, daha uzun müddət onların yaddaşında qalır. Seçilən problemlerin və icra olunan layihələrin real həyatla əlaqaləi olmasına, eyni zamanda şagirdyönümlü olmasına xüsusi diqqət edilirş Bu metodla qurulan dərslər şagirdlər üçün daha maraqlı və daha cəlbedici olur, onlar dərslərdə daha fəal və həvəslə iştirak edirlər. Dərslərin keçirilməsi üçün müəllimnən xüsusi bilik və bacaraqırlaq tələb olunur. Çünki layihələr, seçilmiş problemlər nə qədər şagirdyönümlü olsa da müəllim layihələrin hazırlanmasında  və problemlərin həllində şagirdlərlə birlikdə fəaliyyət göstərir, onların fəaliyyətini istiqamətləndirir. Buna görə də STEM dəsləri keçrilən məktəblərdə müəllimlərə xüsusi təlimlər keçirilir.

Öz bloqunu hazırlamaq istəyənlər üçün 10 məsləhət

  1. Bloqunuzun mövzusunu, oxucu kütlənizi müəyyən edin və ona uyğun paylaşımlar edin.
  2. Bloqunuzun dizaynı yerləşdirdiyiniz məlumatlara, bloqunuzun oxucu kütləsinə uyğun olmalıdır. Bloqun dizaynı, istifadə etdiyiniz fontlar, arxa fon oxucunun gözünü yormamalıdır
  3. Paylaşdığınız məlumat keyfiyyətli, oxucu üçün yeni, asan anlaşılan və sadə dildə olmalıdır.
  4. Yazıların başlıqları oxucunun diqqətini özünə cəlb etməlidir. Eyni zamanda yazının məzmununa uyğun olmalıdır.
  5. Uzun cümlələr oxucu üçün cəlb edici deyil, bloqunuzda maraqlı videolar, şəkillər paylaşın
  6. Oxucularınızla ünsiyyətə girin, yazılan rəylərə vaxtında cavab yazın. Yerləşdirdiyiniz yazıların sonunda “Bu barədə siz nə düşünürsünüz?” tipli suallardan istifadə
  7. Bloqunuzu sosial şəbəkələrdə reklam edin. Bloqunuzla eyni adlı səhiflə açın.
  8. Məlumatları tez- tez yeniləyin
  9. Plagiatlıqdan uzaq olun, əmin olmadığınız məlumatı, yarımçıq məlumatı bloqunuzda yerləşdirməyin
  10.  Bloqunuzun quruluşunu elə seçin ki, oxucu üçün axtardığı məlumatı tapmaq asan olsun

Siz necə düşünürsünüz maraqlı bloqda daha nəcə olmalıdır?

Bütün sinifin bir sənədin üzərində işləyə biləcəyi sayt -titanpad.com

Hörmətli müəllimlər.

Bugün ki video dərsimdə sizə titanpad.com saytı haqqında məlumat verəcəm. Sayt sizə sinifinizdəki bütün  şagirdlərlə eyni anda  bir sənədin üzərində işləməyə imkan verir. Hər bir şagirdin əlavə etdiyi mətn, etdiyi dəyişiklik fərqli fərqlə göstərildiyi üçün şagirdlərdən kimin hansı işi gördüyünü izləyə bilirsiniz. Bundan başqa chat hissəsində müzakirə apara, sonda hazırlanan mətni kompüterinizə yükləyə bilərsiniz. Sayt pulsuzdur və qeydiyyat tələb etmir. Saytdan refleksiya mərhələsində, tədqiqat zamanı istifadə etmək olar. Video dərsdə saytdan istifadə ilə bağlı bir neçə ideya verilib, siz öz ideyanınızı şərh bölməsində digər həmkarlarınızla paylaşa bilərsiniz

Saytdan istifadə haqqında video dərs:

Öyrənmə fəaliyyətindəki əməkdaşlıq səviyyəsini müəyyən etmək üçün rubrik

Bu gün şagirdlərdə əməkdaşlıq, komanda şəkilində işləmək  bacarığının formalaşdırılması müasir təhsilin qarşısına qoyduğu əsas məqsədlərdən biridir. Bu bacarıqların əhəmiyyətini kiçik bir faktla vurğulamaq istəyirəm. Forbes jurnalında  2005- ci ildə dərc olunmuş məqaləyə əsasən : ” The National Association of Colleges and Employers (NACE) təşkilatı tərəfindən şirkətlər, biznes təşkilatları, özəl müəssələr arasında  sorğu keçirir. Sorğunun məqsədi onlardan yeni işçi qəbul edərkən hansı xüsusiyyətlərə önəm verdiklərini öyrənməkdir. Aparılan sorğu nəticəsində məlum olur ki, i.’ götürən təşkilatın önəm verdiyi bacarıqlar siyahısında əməkdaşlıq və komanda şəkilində işləmək bacarığı ilk sıradadır.

Şagirdlərlə istifadə etdiyiniz tapşırıqlarda, layihələrdə əməkdaşlıq bacarığının hansı səviyyədə tələb olunduğunu müəyyən etmək üçün, aşağıdakı rubrikdən istifadə edə bilərsiniz.rubric3

  1. Tapşırığı yerinə yetirmək üçün şagirdlərdən cütlər və ya qrup şəkilində birlikdə işləmək, əməkdaşlıq tələb olunmur.
  2. Şagirdlər tapşırığı yerinə yetirmək üçün cütlər və ya qruplar şəkilində birlikdə işləməlidir, lakin onlardan iş bölgüsü tələb olunmur.
  3. Şagirdlər tapşırığı yerinə yetirmək üçün birlikdə işləməlidir, onlar arasında iş bölgüsü olmalıdır, lakin onlardan birlikdə qərar qəbul etmək, müzakirə etmək tələb olunmur.
  4. Şagirdlər tapşırığı yerinə yetirmək üçün birlikdə işləməlidir, onlar arasında iş bölgüsü olmalıdır, onlardan birlikdə qərar qəbul etməlidirlər, lakin onların fəaliyyəti bir -biri ilə əlaqəli deyil
  5. Şagirdlər tapşırığı yerinə yetirmək üçün birlikdə işləməlidir, onlar arasında iş bölgüsü olmalıdır, onlardan birlikdə qərar qəbul etmək, müzakirə etmək tələb olunur, onların fəaliyyəti bir-biri ilə əlaqəlidir

Müəllimin inkişafında şəxsi öyrənmə şəbəkələrinin rolu

Əgər bu gün təhsil sistemimizdə ciddi dəyişikliklər etmək, təhsil səviyyəsini dünya standartları səviyyəsinə qaldırmaq istəyiriksə, dəyişikliyə ilk növbədə özümüzdən başlamalıyıq. Biz müəllim kimi dünya təhsilində istifadə olunan ən son metodlardan, texnologiyalardan xəbərdar olmalı və onları öz dərslərimizdə tətbiq etməliyik. Bu isə müəllimin şəxsi öyrənmə şəbəkəsinin olmasının əhəmiyyətini artırır.  Bəs şəxsi öyrənmə şəbəkəsi nədir?  Şəxsi öyrənmə şəbəkəsi dedikdə sizin ətrafınızda olan, müxtəlif vasitələrlə əlaqə saxladığınız müəllimlər, təlimçilər, pedaqoji sahədə çalışan şəxslər, təhsil işçiləri  nəzərdə tutulur. İnformasiyanın çox böyük sürətlə yayıldığı bir dövrdə yaşayırıq. Öz biliklərimizi digər insanlarla paylaşır, qarşılaşdığımız problemlər, çətinliklər barəsində müxtəlif vasitələrlə həll yolu axtarırıq. Şəxsi öyrənmə şəbəkəsi sizə imkan verir ki, öz təcrübənizi digər insanlarla bölüşəsiniz, müxtəlif şəhərlərdə, ölkələrdə,  dünyanın müxtəlif yerlərində yaşayan təhsil sahəsində çalışan şəxslərlə əlaqə saxlayasınız. Əgər sizdə öz şəxsi öyrənmə şəbəkənizi yaratmaq istəyirsinizsə, ilkin olaraq öz məqsədinizi müəyyən etməlisiniz və buna necə nail olacağınızı dəqiqləşdirməlisiniz:Şəxsi öyrənmə

  • Hansı vasitələrdən, resurslardan istifadə edəcəyinizi planlaşdırın. Şəxsi öyrənmə şəbəkəsi qurmaq üçün siz müxtəlif vasitələrdən istifadə edə bilərsiniz: sosial şəbəkələr, internet saytları, bloqlar, forumlar, müəyyən qurumlar.
  • Kimlərdən öyrənəcəksiniz və kimləri öyrədəcəyinizi planlaşdırın. Öz sahəniz üzrə ekspert insanları müəyyənləşdirin eyni zamanda fikirlərinizi paylaşmaq istədiyiniz insanları seçin.
  • Hansı formada öyrənəcəksiniz və öyrədəcəksiniz. Siz texnologiyanın imkanlarından istifadə edib onlayn və yaxud üzbəüz şəkildə öyrənə və öyrədə bilərsiniz.
  • Öyrənmək üçün vaxtınızı planlaşdırın.

Şəxsi öyrənmə  şəbəkəni yaratmağa sosial media hesablarınızla başlaya bilərsiniz. Facebook, Google +, Twitter, Pinterest kimi sosial şəbəkələrdə təhsillə bağlı müxtəlif qruplara qoşulun, təhsil sahəsində çalışan, açıq fikirli, hər zaman öz bildiklərini bölüşməyə çalışan insanlarla əlaqələr yaradın və onların müntəzəm izləyin. Fikirlərinizi paylaşarkən şəbəkə etikası qaydalarına əməl edin və  münaqişələrdən uzaq olun. Continue reading “Müəllimin inkişafında şəxsi öyrənmə şəbəkələrinin rolu”

Smart Notebook ilə “konteyner” hazırlamaq

Elektron lövhələrdə istifadə olunan proqramlardan biri də Smart Notebook proqramıdır. Proqramın üstün cəhəti istifadəsinin və öyrənilməsinin çox asan olmasıdır. Qaleriyasındakı hazır flaş aktivitilərlə digər proqramlarda hazırlanması uzun müddət tələb edən tapşırıqları bir neçə dəqiqədə hazırlaya bilərsiniz.

“Google Drive- əməkdaşlığın yeni ünvanı ” adlı onlayn seminarın video görüntüsu

Hörmətli müəllimlər.

“Google Drive- əməkdaşlığın yeni ünvanı” onlayn seminarın video yazısını aşağıdakı linkdə izləyə bilərsniniz. Seminar Google Drive – dan istifadə ilə bağlı idi.Seminara qoşulan həmkarlarıma və fikirlərini bizimlə bölüşdüyünə görə Mark Stone təşəkkürlər.  

TPACK modeli nədir?

Təhsildə texnologiyanı tətbiq etmək üçün istifadə olunan modellərdən biri də TPACK modelidir. TPACK modelinin mərkəzində 3 mühüm anlayış dayanır: Texnologiya, Pedaqoqika, Məzmun. TPACK modelinə görə dərs planlaşdırılarkən bu 3 mərkəzi anlayış nəzərə alınmalıdır.

  1. Texnologiya- dərsi planlaşdıran zaman siz hansı texnologiyalardan istifadə edəcəyinizi planlaşdırırsınız.
  2. Pedaqoqika – dərsi planlaşdıran zaman siz hansı iş üsullarından, iş formalarından istifadə edəcəyinizi planlaşdırırırsınız.
  3. Məzmun –siz dərsdə şagirdlərə nəyi öyrədəcəksiniz?, hansı fənni? Hansı bölməni? Hansı mövzunu?

Nə üçün sinif bloqumuzu yaratmalıyıq?

blogs2

  1. Şagirdlər və valideynlərlə ünsiyyət vasitəsi kimi sinif bloqundan istifadə edə bilərsiniz. Bu sizə dərsdən sonra da şagirdlərinizlə əlaqə qurmağa, onlarla müəyyən məsələləri müzakirə etməyə imkan verəcək.
  2. Məktəbdə və sinifdə baş tutacaq mühüm tədbirlər, baş vermiş tədbirlər haqqında məlumatları təqvimdə yerləşdirməklə ümumi sinif təqvimi yarada bilərsiniz .
  3. Şagirdlərin dərs zamanı hazırladığı işləri nümayiş etdirmək, müzakirə etmək üçün.
  4. Dərs matreallarını, tapşırıqları şagirdlərlə paylaşmaq üçün
  5. Şagirdlərdə internetdən düzgün istifadə bacarığını formalaşdırmaq üçün
  6. Şagirdlərin yazı bacarığını, yaradıcılığını inkişaf etdirmək üçün

Activinspire proqramında Position funksiyasından istifadə etməklə Anaqram hazırlamaq

Hörmətli müəllimlər.  Screen Shot 2016-04-23 at 8.56.13 PM

Aşağıdakı video dərsdə active inspire proqramında Position funksiyasından istifadə etməklə Anaqramın hazırlanması haqqında məlumat verilmişdir:

 

Active inspire proqramında “Change Text Value ” funksiyasından istifadə

Active inspire maraqlı funksiyalarından biri də “Change Text Value ” funkisyasıdır. Bu funksiyadan mətnləri dəyişmək, əvəz etmək üçün istifadə edə bilərsiniz.

  1. Dəyişmək istədiyiniz mətni seçin və Action Browser menyusununa daxil olun
  2. Verilmiş siyahıdan “Change Text Value ” əmrini seçin
  3. Target (Text ) hissəsində hansı mətnin üzərinə kliklənədə dəyişəcəksə həmin mətni seçin
  4. Text hissəsində yeni mətni daxil edin
  5. Apply Changes düyməsinə klikləməklə dəyişiklikləri yaddaşda saxlayın

Funksiyadan istifadə haqqında video dərs:

Excel vasitəsi ilə “Reytinq cədvəli” hazırlamaq

Şagirdlərin diqqətini dərsə cəlb etmək, onalrın dərsdə daha fəal iştirakını təmin etmək üçün istifadə edə biləcəyiniz üsullardan biri də Reytinq cədvəlidir. Bu üsulla siz şagirdləri bir öyrənmə yarışına cəlb edəcəksiniz. Reytin cədvəlini siz müəyyən bölmə üçün, ay və dərs həftəsi üçün hazırlaya bilərsiniz. Reytinq cədvəlindən istifadə sizə aşağıdakı məsələlərdə kömək edəcəkdir :

  • Şagirdlərin dərsdə fəal iştirakını təmin etmiş olacaqsınız
  • Şagirdlər davranış qaydalarına daha yaxşı əməl edəcək
  • Dərsə daha hazırlıqlı gələcəklər
  • Dərsdə daha maraqla və həvəslə iştirak edəcəklər

Aşağıdakı video dərsdə Excel proqramı vasitəsi ilə reytinq cədvəli hazırlamaq haqqında məlumat əldə edə bilərsiniz:

 

Elektron lövhələr yoxsa planşetlər hansı gələcəkdə tədrisdə daha böyük rol oynayacaq?

Elektron  lövhələrdən sinif otaqlarında istifadə olunması tədris prosesində çox böyük yenilik olmuşdur. Lakin texnologiyanın inkişafı nətixəsində, onların gələcəkdəki rolu böyük sual altındadır. Artıq bir çox ölkədə elektron lövhələrlə yanaşı planşetlərdən istifadə olunmağa başlanılıb. Bəs elektron lövhə yoxsa planşetlər hansı gələcəkdə tədrisdə daha böyük rol oynayacaq?. Düşnürəm ki,  gələcəkdə planşetlərdən daha çox istifadə olunacaq.  Bunu isə aşağıdakı səbələrlə əlaqələndirmək olar:

Planşet və ağıllı lövhə

  1. Elektron lövhələrlə müqayisədə planşetlərin qiymətləri daha aşağıdır. Müqayisə etsək: 10 sinifi elektron lövhə ilə təmin etmək üçün lazım olan məbləğdən daha aşağı xərclə həmin sinifləri planşetlərlə təmin etmək olar.
  2. Elektron lövhədən istifadə zamanı tapşırığı yerinə yetirən zaman lövhədən bir və yaxud iki şagird istifadə edə bilir. Bu isə sinfin digər şagirdlərinin fəaliyyətsiz qalmasına səbəb olur. Planşetlərdən isə qrup işləri, cütlərlə iş, bütün siniflə iş zamanı istifadə etmək mümkündür.
  3. Planşetlərdən istifadə edən zaman hər bir şagirdə fərqli tapşırıq vermək- şagirdə fərdi yanaşmaq mümkün olur.
  4. Elektron lövhələrdə şagirdlər adətən müəllimin əvvəlcədən hazırladığı tapşırıqları yerinə yetirilər və şagrdin yaradıcılığını məhdud çərçivədə göstərə bilir. Planşetlərdə isə müxtəlif tətbiqetmələr var ki, şagird onlardan istifadə etməklə öz yaradıcılığını müxtəlif formalarda əks elətdirə bilir. Planşetlərdən istifadə edib şagirdlər :kitab, poster, video hazırlayır, onunla interetdə müxtəlif resurslardan istifadə edirlər. Eyni zamanda elektron lövhələr üçün hazırlanmış bəzi dərsləri planşetlərdə də açıb istifadə etmək mümkündür. Bunula siz şagirdə” öz lövhəsində işləmək imkanı “ verirsiniz.
  5. Elektron lövhə daşına bilən deyil. Bunun əksinə planşetlərdən rahatlıqla sinifin müxtəlif hissələrində istifadə etmək olar.