Öz Artırılmış Reallıq nümunəni necə hazırlamalı

Artırılmış Reallıq tətbiqetmələrindən istifadə etməyə başlayan müəllimləri ilk andan bir sual düşündürür: “ Öz Artırılmış reallığımı hazırlaya bilərəmmi?” Çox funksiyalı və mürəkkəb Artırılmış Reallıq nümunələri hazırlamaq üçün yüksək texnoloji biliklər və alətlər tələb olunsa da, müəyyən alətlərin köməyi Artırılmış Reallıq nümunələri sadə və rahat formada hazırlamaq mümkündür. Üstəlik bu nümunələr sadəcə müəllimlər tərəfindən deyil, şagirdlər tərəfindən dərs zamanı öyərnmə prosesinin bir hissəsi kimi də hazırlana bilər. Bildiyimiz kimi, Artırılmış Reallıq elementlərindən adətən müşahidəsi çətin, şagirdlər üçün təhlükəli və ya sinif otağında əlçatmaz olan proseslərin tədqiq edilməsində istifadə olunur. Məsələn, ayın səthini müşahidə etmək üçün şagirdləri aya aparmaq əlçatmazdır. Lakin Artırılmış Reallıq tətbiqetmələri vasitəsi ilə şagirdləriniz ayın səthinə virtual səyahət edə bilirlər. Bu və buna mənzər nümunələri nəzərdən keçirdikdə məlum olur  Artırılmış reallıqdan buna bənzər formalarda istifadə öyrənənə yeni imkanlar yaratsa da, şagirdin yaradıcılıq bacarığını inkişaf etdirməsi üçün təqdim etdiyi imkanlar məhduddur. Bu səbəbdən təhsildə Artırılmış reallıq tətbiqetmələri hazırlayan şirkətlər şagird yaradıcılığını inkişafına müsbət təsir göstərən, şagirdlərə öz fikirlərini fərqli bir formada nümayiş etdirmək imkanı yaradacaq tətbiqetmələr üzərində çalışırlar. Biz təhsil işçilərini düşündürməli  olan məsələ isə şagirdləri öz Artırılmış Reallıq nümunələrini hazırlaya biləcəkləri fəaliyyətlərlə təmin etmək olmalıdır. 

Şagird öz artırılmış reallıq nümunəsini hazırlayan zaman:

  • Öz yaradıcılıq bacarığını göstərmək üçün imkan qazanır

  • Əgər layihə hazırlayırsa, tədqiqat aparırsa  Artırılmış reallıq yekun məhsulu fərqli bir formada nümayiş etdirmək imkanı yaradır

Bu yazımda sizləri  MoatBoat adlanan tətbiqetmə ilə tanış etmək istərdim. Tətbiqetmədən istifadə etməklə həm özünün daxilində olan Artırılmış Reallıq nümunələrinə baxmaq, həm də yeni Artırılmış Reallıq nümunələri yaratmaq olar. MoatBoat 15 mühiti və 10000 çox elementi ilə sizə müxtəlif icmaları- dünyaların artırılmış reallığını yaratmağa imkan verir. Tətbiqetməyə daxil olduqdan sonra Explore bölməsindən hazır Artırılmış reallıq nümunələrini nəzərdən keçirmək olar.

Create bölməsindən yeni Artırılmış Reallıq nümunəsinin yaradılması üçün istifadə edilir.Bu zaman əvvəlcə mühit seçilir. Daha sonra + işarəsinə klikləməklə, Type bölməsində yazmaqla və ya mikrafon işarəsinin üzərinə klikləyib əlavə etmək istədiyiniz obyektin adını inglis dilində səsləndirməklə Artırılmış Reallığın elementlərini mühitinizə daxil edə bilərsiniz. Modeli hazırladıqdan sonra Artırılmış Reallığa çevirmək və ya bir başa Artırılmış reallığın üzərində işləyərək hazırlamaq mümkündür. Bunun üçün ekranın yuxarı hissəsində sağ tərəfdə yerləşən kuba bənzər işarədən istifadə olunur.

Proqramın daxilində aşağıdakı mövzularda Artırılmış Reallıq nümunələri tapa bilərsiniz:

– Marsda  koloniya quran insanlar

– Ad günü

– Meşədəki bir düşərgə

– Parkda

– Çimərlik

– Məktəbdə və s.

Hazırladığınız Artırılmış Reallıq modelləri  isə My Worlds bölməsində yaddaşda saxlanılır. Tətbiqetmə həm Android tipli qurğularda, həmdə İOS tipli qurğularda pulsuzdur.

Tətbiqetməni İOS qurğularına yükləmək üçün link: https://apps.apple.com/us/app/moatboat/id1294845531?ls=1

Tətbiqetməni Android tipli qurğulara yükləmək üçün link: https://play.google.com/store/apps/details?id=com.moatboat.moatboat&hl=en_US

Postun əsli: https://www.edtech.az/blog/oz-artirilmis-realliq-numuneni-nece-ve-niye-hazirlamali

Müasir təhsilin trendə çevrilmiş 8 anlayışı

  1. Gamification- Oyunlaşdırma 

Oyun və oyun elementlərindən tədris prosesində məqsədyönlü şəkildə istifadə olunmasıdır. Oyunlaşdırma şagirdlərin dərsə marağını artırır, eyni zamanda onlarda komanda şəkilində işləmək, problem həll etmək kimi bacarıqlarını inkişaf etdirir və özünə inam hissi formalaşdırır.

  1. STEM 

STEM  termini  Science (Təbiət elmləri), Technology (Texnologiya), Engineering (Mühəndislik) ve Mathematics (Riyaziyyat) sözlərinin ilk hərflərindən götürülmüşdür.

Bu tədris üsulunda şagirdlər riyaziyyat və təbiət fənnlərində öyrəndikləri müxtəlif məlumatları gündəlik həyatlarında qarşılarına çıxan müxtəlif problemlərə və məsələlərə tətbiq etməklə öz yaradıcılıqlarını, komanda şəkilində işləmək bacarıqlarını, məntiqi  təfəkkürlərini, problem həll etmə bacarıqlarını inkişaf etdirirlər. Eyni zamanda öyrəndiklərini tətbiq etdikləri üçün öyrəndikləri məlumatları daha yaxşı mənimsəyir, daha uzun müddət onların yaddaşınlarında qalır.

  1. BYOD- Öz qurğunu gətir ! 

Texnologiyanın çox sürətlə dəyişdiyi və “köhnəldiyi” üçün təhsil müəssisələri böyük məbləğdə vəsaitlər xərcləmək məcburiyyətində qalırlar. Şagirdlərin öz qurğularından məktəbdə öyrənmə üçün istifadəsinə icazə verməklə bəzi müəssisələr bu xərclərdən azad olurlar. Eyni zamanda şagirdlər istər evdən istərsə də məktəbdən kompüterdə işlərinə davam etmək imkanı əldə edirlər.

  1. Coding & Robotics -Proqramlaşdırma və robototexnika

Robototexnika və proqramlaşdırma hər gün daha çox populyarlıq qazanan təhsil trendlərindən biridir. Şagirdlərin problem həlletmə, yaradıcı və tənqidi təfəkkürlərini, komanda şəkilində işləmək bacarıqlarını inkişaf etdirmək üçün tədris olunan bu dərslərdə müxtəlif oyun tipli, uşaqlar üçün maraqlı resurslardan, uşaqların yaş səviyyəsinə uyğun robot  qurğularından istifadə edilir.

  1. Digital citizenship- Rəqəmsal vətəndaşlıq

Rəqəmsal vətəndaşlıq texnologiyanın və internetin  düzgün, təhlükəsiz və məqsədəuyğun şəkildə istifadə etmək üçün  tələb olunan anlayışların və bacarıqların məcmusudur. Başqa sözlə Rəqəmsal vətəndaşlıq texnologiyadan düzgün istifadəni  müəyyən edən normalar və standartlardır. Günümüzdə bir çox məktəblər öz “Rəqəmsal vətəndaşlıq” strategiyasını hazırlayır və şagirdləri erkən yaşlarda tələb olunan bilik və bacarıqlarla təmin etməyə çalışırlar.

  1. Project Based Learning – Layihə Əsaslı Öyrənmə

Layihə əsaslı öyrənmə  Layihə Əsaslı Öyrənmə, şagirdi dərsdə aktiv iştiraka təşviq edən, yüksək səviyyəli idrak fəaliyyətləri dəstəkləyən, çox müxtəlif vasitə və qaynaq istifadəsini tələb edən; akademik, ictimai və həyat bacarıqlarını birlikdə istifadəsini tələb edən təhsildə yeni bir yanaşmadır.

Ətraflı məlumat üçün : https://youtu.be/dR9iDYgitl0

  1. Blended Learning & e-learning “Qarışıq” öyrənmə və e- öyrənmə

Texnologiyanın inkişafı və təhsildə tətbiq edilməsi ilə ortaya çıxmış bu  anlayışlar müxtəlif formada izah edilir. E- öyrənmə tədris proqramının  rəqəmsal resurslardan istifadə etməklə çatdırılmasıdır. Bu zaman öyrənən istənilən yerdən rəqəmsal qurğu,kompüter, planşet vasitəsi və internet əlaqəsi ilə bütün təhsil resurslarına çıxış əldə edir və təhsil alır. Qarışıq öyrənmə zamanı isə bu prosesin müəyyən bir hissəsi rəqəmsal üsullarla bir hissəsi isə ənənəvi formada baş verir

  1. Augmented and Virtual Reality – Artırılmış və Virtual reallıq (AR/VR)

Artırılmış reallıq virtual dünya ilə real aləmi özündə birləşdirən müasir texnologiyadır.

Virtual reallıq isə tamamı ilə kompüter elementləri vasitəsi ilə mövcüd olan, real həyatda mövcud olmayan reallıq formasıdır. Artırılmış reallıqda real həyat elementlərinin üzərinə müxtəlif ünsürlər əlavə edilməklə əldə olunursa, virtual reallıq adından da görüldüyü kimi yalnız virtual olaraq mövcuddur. İstifadəçi virtual reallığa adətən xüsusi baş geyimi, eynək və s. istifadə edərək daxil olur.

Nümunə link: https://youtu.be/o05bTHc2jpU

Məqalənin mənbəyi: https://www.edtech.az/blog/blog10

Öyrədici oyunlar və resurslar tapa biləcəyiniz 10 sayt

Uşaqların asudə vaxtlarını səmərəli təşkil etmək, 61686093_2164604943653088_6899431865111805952_nəylənərkən öyrənmələri üçün istifadə edə biləcəyiniz 10 saytı sizə təqdim edirik. Saytlarda riyaziyyat, təbiət elmlərinə, ingilis dilinə aid maraqlı oyunlar, videolar yerləşdirilmişdir.

1.https://www.mathgames.com – riyaziyyat oyunları
2. https://www.mathplayground.com/grade_1_games.html -riyaziyyat oyunları
3. https://www.grammaropolis.com/books.php- İngilisi dilinə aid qramatika tapşırıqları, oyunlar və kitablar
4. https://sciencebob.com– Təbiət elmlərinə aid təcrübələr, videolar
5. https://en.e-learningforkids.org/math -riyaziyyat, təbiət elmləri və s.
6. https://www.abcya.com/games/base_ten_bingo – riyaziyyat və digər fənnlərə aid oyunlar
7. http://sciencewithme.com/learn-about-reactions/ – təbiət elmləri, təcrübələr
8. http://www.readingbear.org/ -İngilis dilində oxu və tələffüz proqramı
9. https://www.coolmathgames.com/0-math-man-riyaziyyat oyunları
10. http://www.mycapstonelibrary.com/menu/#/bookshelf ingilis dilində interaktiv kitablar

Active Inspire proqramında Poly Up maşınlarında istifadə

Hörmətli müəllimlər,

Poly Up maşınlarından asanlıqla elektron lövhə üçün dərslərpA hazırlayan zaman istifadə etmək mümkündür. Bu sizə imkan verəcək ki, Poly up maşınlarını dərsinizin bir hissəsinə çevirəsiniz və dərsin müxtəlif hissələrində ondan istifadə edəsiniz. Məlumdur ki, Poly up maşınlarının və chiplərinin hər birini link vasitəsi ilə paylaşmaq mümkündür. Bu linklərdən eyni zamanda Active İnspire proqramında da istifadə edə bilərsiniz. Bunun üçün:

  1. Poly Up səhifəsinə açıb, istədiyiniz maşının və ya chipin linkini (ünvanını) kopyalayırsınız
  2. Active İnspire proqramını açıb, Poly Up maşınını link kimi daxil etmək istədiyiniz şəkili daxil edirsiniz.
  3. Daxil etdiyiniz şəkili seçib- İnsert bölməsinə daxil olursunuz
  4. İnsert bölməsindən- Link alt menyusunu seçib- website əmrini seçirsiniz
  5. Poly Up maşının və ya chipinin linkini və ya adressini “Enter a website to link” hissəsinə yapışdırırsınız.
  6. Add link as  bölməsində isə sonuncu əmr olan “existing object” seçimi seçdikdən sonra “…” işarəsinə klikləyib istinadı və ya linki  daxil etmək istədiyiniz şəkili seçirsiniz. Ok düyməsinə klikləməklə prosesi başa çatdırırsınız.

Eyni zamanda Poly Up maşınlarının linklərindən  sinifdə istifadə edə biləcəyiniz oyunlar hazırlaya bilərsiniz. Bunun üçün, Active inspire proqramında şəkillərə müxtəlif maşınları link kimi əlavə edirsiniz. Şagirdlər şəkili seçməklə, açılan maşını və ya chipi həll edirlər və əvvəlcədən elan olunmuş xalı qazanırlar. Müəyyən zaman məhdudiyyəti qoymaqla, oyunu bir qədər mürəkkəbləşdirmək olar.

Video dərsi izləmək üçün link: https://youtu.be/ilRioor9R0w

Nümünə faylı yükləmək üçün link: https://drive.google.com/file/d/1i4wjagaUOTx-YC-4k5tLHtfdvU0ExTcp/view?usp=sharing

Yaradıcılıqla öyrənmə- Oyun başlasın ! -onlayn kurs

Kursun məqsədi: Yaradıcılıq ilə öyrənmə: oyun başlasın! coursekursu, bütün fənlərdən ibtidai və orta məktəb müəllimlərini oyun vasitəsilə öyrənməyin əhəmiyyətini başa düşməyə və sinifdə oyunların istifadə  edilməsi yollarını göstərməyi hədəfləyir. Bu onlayn kurs oyunlarla öyrətmək, oyunlar vasitəsilə yaratmaq və oyun yaratmaq istəyən müəllimlər üçün xüsusilə qiymətlidir və iştirakçılara daha məhsuldar və yenilikçi tədris və təlim üçün müxtəlif vasitələr, qaynaqlar və tətbiqlər təqdim etməyi nəzərdə tutmuşdur.

Başlama tarixi: 29 Aprel 2019

Müddəti: 6.5 həftə

Təlim dili: Ingilis dili

Bütün mərhələləri uğurla tamamlayan iştirakçılara sertifikat veriləcəkdir.

Link: http://academy.schooleducationgateway.eu

Poly Up resursu haqqında video dərslər

Poly Up Riyaziyyat və alqoritmik düşüncənin tədrisində istifadə olunan onlayn resursudur. Resurs:

  • Müxtəlif yaş qrupları ilə istifadə oluna bilər
  • Kompüter, planşet, telefon üzərindən istifadə oluna bilər
  • Oyun əsaslı olduğu üçün uşaqlar üçün maraqlı və cəlb edicidir
  • Layihə əsaslı öyrənmədə müxtəlif layihələrin hazırlanmasında istifadə oluna bilər
  • Bir məsələyə müxtəlif yanaşmalar ortaya qoymağa imkan verir
  • Şagirdlərin problem həll etmə, yaradıcılıq, tənqidi düşüncə bacarıqlarını inkişaf etdirir

Daha ətraflı məlumat üçün aşağıdakı video dərsləri izləməyinizi tövsiyyə edərdim:

1. Poly Up platforması ilə tanışlıq

2. Poly Up maşınları və onlardan necə istifadə etməli?

 

3. Poly Up- da qeydiyyat və maşınları kəşf et !

4. Poly Up da öz maşınını yarat !

 

“STEM hər yerdə !” online kurs

Hörmətli müəllimlər,

29 Oktyabr tarixində European Schoolnet Academy və Scientix tərəfindən müəllimlər üçün ödənişsiz, onlayn STEM hər yerdə kursu başlayacaqdır. Kurs 5.5 həftə davam edəcəkdir və 4 moduldan ibarətdir. Kurs ibtidai və orta məktəb müəllimləri üçün nəzərdə tutulub və uğurla tamamlayanlar sertifikatla təmin olunur.

Kurs  zamanı müəllimlər öyrənəcəklər:

  • Real həyatda STEM- i tanıyaq və dərslərimizə real həyat problemlərini inteqrasiya edək
  • Fənnlərarası inteqrasiya kimi yeni metodlardan istifadədə inam yaratmaq
  • STEMi- gərçək həyatda əlaqələndirmək üçün istifadə olunan fəaliyyətlər, resurslar və strategiyalar
  • 21 əsr bacarıqları və sinifdə onları necə tədris etməli
  • Dərs nümünələrinin nəzərdən keçirilməsi, beynəlxalq səviyyədə həmkarlarla əməkdaşlıq və s.

Kurs ingilis dilində tədris olunacaqdır.

Qeydiyyatdan keçmək üçün link: https://www.europeanschoolnetacademy.eu/web/stem-is-everywhere

Klaviaturadan istifadəni öyrətmək üçün proqram

typeŞagirdlərə klaviaturadan istifadəni öyrətmək üçün müxtəlif oyunlardan istifadə olunur. Belə oyunlardan istifadə uşaqlarda erkən yaşlardan surətli və düzgün yazmaq bacarığının formalaşmasında əhəmiyyətlidir. Bu yazıda təqdim etdiyim Typetastic saytı həm oyunlarının dizaynı, asan istifadə oluna bilməsinə görə digərlərindən fərqlənir. Saytdan həm kompüterdə, həm də tabletdə istifadə etmək mümkündür. Saytada müxtəlif çətinlik səviyyəsində 13 oyun- tapşırıq  mövcüddur.

  1.  Sayta daxil olmaq üçün link: https://typetastic.com/
  2. İstədiyiniz oyun növünü seçin
  3. Öyrənməkdən zövq alın 🙂

 

 

 

 

 

AVROPA KOD HƏFTƏSİ 2018 başlayır !

Avropa Kod həftəsi nədir? -Avropa kod həftəsi hər kəsə kodlaşdırmanı və rəqəmsal savadlılığı əyləncəli və maraqlı formada öyrətmək və təbliğ etmək məqsədi daşıyan innovativ, könüllü təşəbbüsdür.
 
Nə zaman?- 6-21 Oktyabr 2018 -ci il
 
Niyə?- Proqramlaşdırmanı öyrənmək bizə ətrafımızdakı sürətlə dəyişən dünyaya uyğunlaşmaq, texnologiyanın necə işlədiyini bilmək və yeni fikirləri araşdırmaq və yeniləmək üçün bacarıq və qabiliyyətləri inkişaf etdirməyə kömək edir.
 
Nəcə iştirak etməli?
1.Proqramlaşdırma və ya kodlaşdırma ilə bağlı dərs, tədbir, seminar təşkil edin və təşkil etdiyiniz dərsi, tədbiri Events hissəsində qeydiyyatdan keçirin.
2.Tədbirin nəticələrini Facebook, Twitter, Məktəbinizin saytında və ya digər sosial media hesablarınızda, Eu Code Week rəsmi səhifəsində #codeEU, #AzerbaijanCodeWeek haştaqları ilə paylaşın
3. Codeweek.eu saytında hesabat formasını dolduraraq sertifikat əldə edin
 
 
Rəsmi səhifə: https://codeweek.eu/
 

Təhsil və onunla bağlı mövzular insanları nə qədər maraqlandırır?

Təhsil və onunla bağlı mövzular vətəndaşlarımızı nə qədər maraqlandırır? Bu suala cavab tapmaq üçün Google Trends vasitəsi ilə kiçik bir araşdırma apardım. Google Trends  ilə son 12 ayda ölkəmizdən və bir neçə başqa ölkədə Google ilə  müəyyən açar sözlərlə aparılan axtarışlara baxdım. Aşağıda göstərilən statistikada 100 rəqəmi yüksək populyarlığı, 50 -isə orta populyarlıq üçün verilən qiymət hesab olunur:

1. Google vasitəsi ilə  ölkəmizdə “Texnologiya” və “Messi” açar sözləri ilə axtarışların nisbəti: 16- 37

Screen Shot 2018-07-10 at 5.32.08 PM 

2. Google vasitəsi ilə  Türkiyə ərazisində “Teknoloji” və “Messi” açar sözləri ilə axtarışların nisbəti: 61- 17

Screen Shot 2018-07-10 at 5.34.26 PM

3.Google vasitəsi ilə  ABŞ ərazisində “Technology” və “Messi” açar sözləri ilə axtarışların nisbəti: 89- 13

Screen Shot 2018-07-10 at 5.36.11 PM

4. Google vasitəsi ilə  ölkəmizdə “Kurikulum” və “Serial” açar sözləri ilə axtarışların nisbəti: 28- 63

Screen Shot 2018-07-10 at 5.43.57 PM

Düşünürəm ki, qrafiklər Google üzərində insanların daha çox hansı mövzulara maraq göstərdiklərini aydın göstərir. Təəssüf olsun ki, insanlar seriala, Messiyə və s. göstərdikləri marağı təhsilə, texnologiyaya göstərmirlər.

Əgər özünüz müqayisələr aparmaq istəyirsinizsə, aşağıdakı addımları izləyin:

  1. Verilmiş linkə daxil olun : https://trends.google.com/trends/?geo=AZ
  2. Nəticələrinə baxmaq istədiyiniz açar sözü daxil edib, ENTER düyməsinə klikləyin
  3. Digər bir açar sözlə müqayisə etmək istəyirsinizsə, İkinci açar sözü   “+Compare” hissəsinə daxil edin.
  4. Nəticələrə fərqli ölkələr və müddət üçün baxmaq mümkündür.

 

Oyun kartları ilə proqramlaşdırmanın tədrisi- Cody Roby

Günümüzdə proqramlaşdırmanı  tədris etmək, robyalqoritmik düşüncə bacarığını inkişaf etdirmək üçün müxtəlif resurslardan istifadə edilir. Lakin bu resursların əksəriyyəti online olduğu üçün ölkəmizdəki bütün məktəblilər və müəllimlər üçün əlçatan deyil. Bu səbəbədən sizi Cody roby resursu ilə tanış etmək istəyirəm. Cody Roby proqramlaşdırmanı tədris etmək üçün istifadə olunan kart oyunudur. Oyunun prinsiplərinə görə code.org saytındakı oyunlara bənzəyir. Oyun bir ədəd şahmat lövhəsinə bənzəyən oyun lövhəsi, personajlar, personajların çatacağı yeri göstərən qara xanalar və personajın hərəkət alqoritmini qurmaq üçün istifadə olunan sola dönmə, sağa dönmə, hərəkət kartlarından ibarətdir. Oyundan müəllim-şagird və şagird- şagird formasında istifadə etmək mümkündür. Müəllim- şagird modelində müəllim tapşırığı qurur və şagird məsələni həll edir. Şagird- Şagird modelində isə müəllim məsələni qurur, şagirdlər öz aralarında məsələni qısa müddətdə həll etmək üçün yarışırlar. Oyundan eyni zamanda hərəkət, istiqamət, məsafə, kordinat sistemi kimi mövzuların tədrisində də istifadə etmək olar

Resurslar, elektron lövhə üçün  hazırlanmış oyunu yükləmək üçün və istifadə təlimatı ilə tanış olmaq üçün daxil olun : link

Resurs Code Week Eu səhifəsindən götürülmüşdür. Ətraflı məlumat üçün daxil olun: link

 

Programlaşdırmanın tədrisi üçün interaktiv sayt

Hörmətli müəllimlər !Screen Shot 2018-02-12 at 11.29.12 AM

Aşağıdakı linkdə, şagirdlərə proqramlaşdırma ilə bağlı  interaktiv tapşırıqlar təqdim edən sayt verilmişdir. Saytın əsas ideyası şagirdləri öz səhvlərindən öyrənməyə yönləndirməsidir. Saytdan həm dərs zamanı, həm də dərsdən əlavə saatlarda istifadə edə bilərsiniz. Hal -hazırda saytda iki müxtəlif tapşırıq növü aktivdir.

Tapşırıq  1: http://silentteacher.toxicode.fr

Tapşırıq  2: http://compute-it.toxicode.fr

Saytın ümumi linki http://www.toxicode.fr/learn#stay-tuned

Saytda suallara düzgün cavab verdikdə  cavabınız yaşıl, səhv cavablarda isə cavabınız qırmızı rəngdə olur. Hər bir rəngi dəyişən dairə keçdiyiniz bir mərhələni göstərir.  Sayt əsasən proqramlaşdırmaya yeni başlayanlar üçün nəzərdə tutulub.

 

 

 

 

Təhlükəsiz İnternet günü 2018- “ŞAGİRD” posteri

Hörmətli müəllimlər və valideynlər,

9 fevral 2018- cı il tarixi dünyada Təhlükəsiz İnternet günü kimi qeyd edilir. İnternetdən düzgün və məqsədyönlü istifadə hər bir şagirddə formalaşdırılması vacib olan bacarıqlardan biridir. Bu səbəblə, dərslərinizdə həmin tarixdə kiçik bir vaxt ayrıb, şagirdlərinizə internetdən düzgün və məsuliyyətli istifadə haqqında məlumat verin.

Posteri yükləmək üçün bura klikləyin.

internet

 

Elektron lövhələrdən istifadə təlimatı

IWB-01

  1. Elektron lövhələrin üzərinə maqnit və digər əşyaları yapışdırmaq olmaz. Yapışdırılan əşyalar və maqnit elektron lövhənin kalibrasiyasına və yazının dəqiqliyinə pis təsir edir.
  2. Elektron lövhələrin üzəridə markerlə yazmayın. Markerlə yazılmış lövhələrin görüntüsünün keyfiyyəti aşağı düşür. İti əşyalardan yazı aləti kimi istifadə etməyin. Elektron lövhənin səthini cızmayın.
  3. Elektron lövhələrin lampalarının istifadə müddətində məhdudiyyət olduğu üçün, istifadə etmədiyininiz vaxtlarda elektron lövhələri söndürün. Elektron lövhə söndürüldükdən sonra, dərhal cərəyandan ayırmayın. Bir neçə dəqiqə gözləyib daha  sonra cərəyandan ayırmağınız tövsiyyə edilir.
  4. Elektron lövhənin kabellərinə qarşı diqqətli olun: qatlamayın, asanlıqla tapdalana biləcək yerlərə qoymayın .
  5. Elektron lövhə işləyərkən onun proyektorunun həddindən çox isinə biləcəyi üçün proyektora toxunmamaları barəsində şagirdlərinizi təlimatlandırın. Eyni zamanda onlara izah edin ki, elektron lövhənin lampasına bir başa baxmaq gözləri üçün zərərlidir.
  6. Şagirdlərin boyu yazmaq üçün lövhənin yuxarı hissəsinə çatmırsa, stuldan və digər əşyalardan  istifadə etməyin.
  7. Elektron lövhənin ekranını və kənar çərçivəsini  hər zaman təmiz saxlayın. Elektron lövhəni təmizləməzdən əvvəl onu söndürün və  kompüterdən ayırın. Interaktiv lövhənin ekranın üzərinə bir başa təmizləyici  maddəni püskürtməyin, bunun əvəzinə təmizləyici maddəni lövhəni təmizlədiyiniz parçanın üzərinə püskürdün və və lövhəni onun vasitəsi ilə yumuşaq şəkildə təmizləyin. Proyektorun lampasına heç vaxt bir başa  əl ilə toxunmayın
  8. Elektron lövhədə hansısa texniki problem yarandıqda bu barədə lazımı qurumlara məlumat verin.

ClassDojo alətinin sinifdə istifadəsi

ClassDojo sinif idarə etmə alətlərindən biridir. Əsasən sinifdə şagirdləri düzgün davranışa    istiqamətləndimək üçün istifadə olunsa da, müəllimlər üçün faydalı bir çox funksiyası da vardır. Gəlin bunlara qısa şəkildə nəzər salaq:

Toolkit- Dərsdə istifadə edə biləcəyiniz alətlər qutusudur. Daxilindəki. alətlərdən bəziləri:

  • Timer– İrəliyə və geriyə doğru sayım saatları
  • Random– Təsadufi şagird seçmək üçün istifadə olunur
  • Group Maker– Şagirdləri qısa zamanda, verilmiş sayda qrupa bölür
  • Noise Meter- Sinifdəki səs- küyün səviyyəsini göstərən interaktiv şkala

Classroom-  Bu bölmədə şagirdlərə xal vermək və yaxud xal çıxmaqla yarış təşkil olunur və düzgün davranışa motivasiya olunur. Meyarlar və onlara veriləcək xallar sizin tərəfinizdən seçilir. Valideynləri əlavə etməklə onlar verilən və yaxud çıxılan istənilən xaldan xəbərdar olmalarını, hesabatlar almalarını təmin etmək mümkündür. Proqramn oyunlaşdırma hissəsidir.

Stories- Bütün sinif jurnalında və yaxud individual formada mətn, şəkil, fayl paylaşmaq mümkündür. Bu proqramın rəqəmsal portfolyo kimi istifadə olunan hissəsidir.

Messages– valideynlərə toplu və yaxud individual məktublar göndərmək mümkündür.

Resursdan istifadə ilə bağlı video təlimat:

Öyrənməni əyləncəyə çevir ! – Kahoot

Kahoot sinifdə bilik yarışı təşkil etmək üçün istifadə edə biləcəyiniz maraqlı saytlardan biridir. Xüsusi ilə formativ qiymətləndirmə zamanı istifadə edə biləcəyiniz bu sayt uşaqlarda dərsə qarşı böyük maraq yaradır.  Müəllim əvvəlcə kahoot saytında oyunu hazırlayır və oyunu proyektor və ya elektron lövhə vasitəsi ilə nümayiş etdirir. Şagirdlər telefon və ya kompüter ilə lövhədəki kodu yazıb, oyuna qoşulur və bir – birlərinə qarşı yarışırlar. Suallar lövhədə, cavablar isə uşaqların qurğularında görünür. Ən tez və ən çox düzgün cavab verən şagird (komanda ) daha çox xal toplayır və qalib olur.

Oyun hazırlamaq üçün link (müəllimlər  üçün): https://kahoot.com

Oyun oynamaq üçün link: (uşaqlar  üçün ): https://kahoot.it

İstifadəsinin üstünlükləri:

  1. Şagirdlərin dərsə motivasiyasını artırır, dərsə qarşı maraq yaradır.
  2. Müxtəlif qurğular (kompüter, telefon, planşet) vasitəsi ilə qoşulmaq və oynamaq mümkündür.
  3. Sadə dizaynı var, istifadəsi rahat və asan öyrənilə biləndir.
  4. Müxtəlif növ suallardan istifadə etmək mümkündür.
  5. Suallarda şəkillərdən, videolardan istifadə etmək mümkündür.
  6. Oyun birdikdən sonra, proqram müəllimə detallı şəkildə nəticələri təqdim edir.

Resursdan istifadə haqqında video:

Müəllimlər üçün Beynəlxalq İSTE standartları

İSTE (Beynəlxalq Təhsil Texnologiyaları Cəmiyyəti) təhsildə texnologiyadan istifadə ilə bağlı müxtəlif tədqiqatları həyata keçirən beynəlxalq təşkilatdır. İSTE—nin müəllimlər, şagirdlər və digər təhsil işçiləri üçün nəzərdə tutulmuş müxtəlif standartları var. Effektiv müəllim modeli və İSTE- nin şagirdlər üçün nəzərdə tutulmuş standartlarını tətbiq etməklə tədrisi inkişaf etdirmək, zəngin öyrənmə təcrübəsi yaratmaq və şagirdlər, müəllimlər, təhsil işçiləri üçün müsbət model yaratmaq mümkündür.  Bütün müəllimlərin bu standartlar və performans göstəriciləri ilə tanış olması və tətbiq etməsi tövsiyyə edilir:İSTESEKİL.jpg

  1. Şagirdlərin öyrənmələrini asanlaşdırmaq və yaradıcılığa təşviq etmək

 Müəllim fənnə aid biliklərindən, öyrənmə və öyrətmə imkanlarından, texnologiyadan  istifadə edərək, üzbəüz və yaxud distant şəkildə şagirdlərin öyrənmələrini asanlaşdıracaq, yaradıcılıq, yenilikçilik bacarıqlarını inkişaf etdirən fəaliyyətlər təşkil edir.

  1. Texnologiya əsrinin tələblərinə uyğun öyrənmə fəaliyyətləri və qiymətləndirmə hazırlamaq və inkişaf etdirmək.

 Müəllim effektiv öyrənmənin baş verməsi üçün müasir dövrün yeni texnologiyalarından, rəqəmsal resurslarından istifadə edərək müxtəlif öyrənmə fəaliyyətləri təşkil edir, onları inkişaf etdirir və nəticəsini qiymətləndirir. Öyrənənin tiplərinə görə rəqəmsal resurslardan və texnologiyadan istifadə edərək hazırladığı tapşırıqları fərdiləşdirir, şagirdlərin xüsusiyyətlərinə və bacarıqlarına uyğun resurslardan istifadə edir, texnologiyadan istifadə edərək müxtəlif formalarda  formativ və summativ qiymətləndirmə vasitələri hazırlayıb şagirdlərə təqdim edir.

  1. Rəqəmsal texnologiyalar dövründə iş və öyrənmə mövzusunda nümunə olmaq

 Yenilikçi bir peşə sahəsinin nümayəndəsi olan müəllim texnologiya əsrinin tələblərinə uyğun şəkildə işləyir, buna uyğun olan bilik və bacarıqlarını nümayiş etdirir. Şagirdlər, valideynlər və təhsil sahəsində çalışan digər şəxslərlə müasir texnologiyalardan istifadə etməklə ünsiyyət qurur və əməkdaşlıq edir.

  1. Rəqəmsal vətəndaşlığı təbliğ edir

 Sürətlə dəyişən və inkişaf edən bir rəqəmsal cəmiyyətdə yaşayan müəllimlər bu rəqəmsal cəmiyyətin yerli və qlobal problemlərini, qaydaları bilir və onlara əməl edir. Müəllif hüquqlarına, intelektual mülkiyyətə  hörmətlə yanaşır.

  1. Peşəkar inkişaf və liderlik

 Müəllim daima peşəkar inkişafına diqqətlə yanaşmalı, özünü peşəkar olaraq inkişaf etdirməli və həyat boyu fasiləsiz öyrənmə mövzusunda nümunə olmalıdır. Bu məqsədlə müəllim beynəlxalq və yerli tədbirlərdə iştirak etməli, şagirdlərin öyrənmə imkanlarını inkişaf etdirmək üçün yeni proqramlar, onlayn resurslar tapmalıdır.

Digər standartları və müəllimlər üçün olan standartların İngilis dilində olan versiyasını oxumaq üçün link:

https://drive.google.com/drive/folders/0B7uyMv1mHyxBbEduTXlYMHhubzA?usp=sharing

 

Peşəkar inkişaf üçün təlim seçərkən diqqət etməli olduğumuz meyarlar

Günümüzdə müəllimlik hər zaman özünü inkişaf etdirməyi tələb edən peşə sahəsidir. Müəllim hər zaman öz biliklərini artırmalı, bacarıqlarını inkişaf etdirməli və yeniliklərdən xəbərdar olmalıdır. Bunun üçün təhsil sahəsində təşkil olunan təlimlərdə iştirak etmək hər bir müəllimin arzusu və istəyidir. Bəs təlim seçərkən hansı faktorlara diqqət etmək lazımdır? Bu yazımda  təlim seçərkən diqqətli olmanız gərəkən meyarlar haqqında danışacam.

  1. Təlimin mövzusu nədir? Bəzən təlimin adı qulağa gözəl səslənsə də təlim bildiyiniz bir mövzuda və yaxud sizin üçün maraqlı olmayan bir mövzuda ola bilər. Ona görə də təlimə qoşulmazdan əvvəl təlimin mövzusu ilə maraqlanın və özünüzə sual verin bu mövzunu bilmək sizə nə qədər lazımdır? Gələcək işlərinizdə bu mövzu sizə nə qədər faydalı olacaq? Təlim seçərkən çalışın ki, sizə bugün ki  işinizdə daha çox lazım olan mövzularda olan təlimlərə üstünlük verəsiniz.
  2. Təlimçi kimdir? Təlimin mövzusu nə qədər əhəmiyyətlidirsə, təlimi keçən təlimçi də bir o qədər mühüm meyardır. Təlimini keçdiyi mövzuya  tam bələd olmayan bir təlimçinin təlimində vaxtınızı və pulunuzu itirməyi sizdə istəməzsiniz. Buna görə də, təlimində iştirak etmək istədiyiniz təlimçini təliminə getməzdən əvvəl təcrübəsini, əvvəlki təlimlərini araşdırın. Əvvələr həmin təlimçinin təlimində iştirak etmiş dostlarınızdan və həmkarlarınızdan təlimçi haqqında məlumat əldə edin.
  3. Təlimin müddəti mövzuya uyğun olmalıdır. Nəzərə alın ki təlim əgər çox qısa müddətlidirsə, sizə öyrəndiklərinizi tətbiq etmək və yaxud müzakirə etmək imkanı verməyəcək. Bu zaman təlim sizin gözlədiyiniz effekti verməyəcək, elə öyrəndiklərinizin böyük hissəsini təlimdən bir neçə gün sonra unudacaqsınız. Buna görə də, təlim seçən zaman bir və yaxud bir neçə gün davam edən təlimlərə üstünlük verin.
  4. Təlimin planı və ya toxunulacaq mövzunun qısa xülasəsi paylaşılıbmı? Peşəkar insanlar tərəfindən hazırlanan təlimlərin planı və yaxud qısa xülasasi iştirakçıları məlumatlandırmaq məqsədi ilə əvvəlcədən paylaşılır, təlimdə toxunulacaq mövzular haqqında iştirak etmək istəyən şəxslərə məlumat verilir. Siz bu plan və yaxud məlumatla tanış olmaqla, təlimdən öncə təlimin mövzusu haqqında məlumat əldə etmiş olursunuz. Bu isə sizi sizin üçün maraqlı olmayan bir mövzuda olan təlimdə iştirak etməkdən qoruyur.
  5. Təlimin qiyməti. Təlimi seçərkən mühüm faktorlardan biri də təlimin qiymətləridir. Ölkəmizdə bu gün keçirilən təlimlərin bəzilərinin qiymətlərinin normadan yüksək olduğunu düşünürəm. Əgər təlimdə danışılacaq mövzunu özünüz interetdən öyrənə bilərsinizsə, niyə həmin mövzunun təliminə vəsaitinizi xərcləyəsiniz? Eyni zamanda həmin təlimə xərclədiyiniz vəsaitə bir neçə kitab da alıb oxuya bilərsiniz. Təlimlərə “Yüksək ödəniş tələb olunur, keyfiyyəti də yaxşı olar” fikri ilə yanaşmayın. Unutmayın ki, “Aşbaz yaxşı olduqda, ucuz ətdən də şorba olur”. 
  6. SERTIFIKAT- Sertifikat əldə etdiyimiz uğurun bir göstəricisi olsa da, gedəcəyiniz təlimləri sertifikat verib -verməməsinə görə seçməyin. Sonda sertifikat verilməyən faydalı təlimlər və sonda sertifikat verilən heç bir faydası olmayan təlimlər də var. Əgər getdiyiniz təlim ikinci qrupa aiddirsə aldığınız sertifikatın heç bir dəyəri olmayacaq. Sertifikata görə təlim seçib gedirsinizsə, sertifikatı verən qurumun buna nə qədər səlahiyyəti olmasını, sertifikatın TN tərəfindən tanınıb-tanınmaması əvvəlcədən aydınlaşdırın.

Bəs siz təlim seçərkən hansı meyarlara görə seçirsiniz? Fikirlərinizi paylaşmağı unutmayın.

Onlayn konfrans: “Celebrate Collaborative Education”

Hörmətli müəllimlər ! 

İnternetdə diqqətimi çəkən və sizin üçün də maraqlı olacağını düşündüyüm bir onlayn konfransı sizinlə paylaşmaq istəyirəm. Konfransın əsas çıxışçıları dünyaca məşhur təhsil şirkətlərinin və təşkilatlarının (Khan akademi, İSTE, Amerka üçün öyrət və s. ) içraçı direktorları və dünyanın müxtəlif yerlərindən olan təhsil işçiləridir.

Tarix: 1 avqust 2017 ci il

Başlama saatı: 18.00

Yer: Onlayn, qeydiyatdan keçməklə istənilən internetə çıxışı olan qurğudan izləmək və müzakirələrdə iştirak etmək olar.

Çıxış edənlər:

  • Sal Khan, CEO of Khan Academy
  • Richard Culatta, CEO of ISTE
  • Steven Farr of Teach for All and Teach for America
  • Anthony Salcito, VP of Worldwide Education at Microsoft
  • And 13 teachersfrom across the globe, ready to share their classroom secrets

dbirin dili: İngilis dili

Qeydiyatdan keçmək və ətraflı məlumat almaq üçün link:

https://www.edmodocon.com/?utm_medium=email&utm_source=fatbird&utm_campaign=marketing-edmodocon-2017&utm_content=marketing-july-30-edmodocon-48-hr-reminder-0-26w-actives-english